Un noi autista dibuixant de memòria la ciutat de Roma

07 divendres gen 2011

Posted by fabrikadilles in Ciutats, Curiositats

Etiquetes

♣ Calendari d’Entrades

♣ REGULUS

(SEXTA STELLA) decem partibus latior erat. Incolebatur a viro gravi atque aetate provecto qui ingentes libros scribebat. Qui, ut regulum conspexit, exclamavit:
GEOGRAPHUS. - Ecce tibi qui ignotas regiones explorat! Regulus in mensa assedit et paulisper acquievit. Tamdiu jam peregrinatius erat! Gravis senex:
GEO. - Unde venis? inquit.
REG. - Quis ingens iste liber est? Quid istic agis? Tum gravis senex:
GEO. - Geographus sum, inquit.
REG. - Quis geographus est?
GEO. - Vir doctus qui scit ubi maria, amnes, montes, solitudines sint.
REG. - Ista quidem nosse operae pretium est. Istud vere artificium est. Quae cum regulus dixisset, stellam geographi raptim circumspexit. Nondum enim stellam majestatis tantae viderat.
REG. - Valde magnifica stella tua est. Suntae istic magna maria?
GEO. - Scire nequeo. Tum regulus spe dejectus:
REG. - Quid! Et montes?
GEO. - Scire nequeo.
REG. - Eyt urbes? Et amnes? Et solitudines?
GEO. - Ne ea quidem scire queo.
REG. - At geographus es!
GEO. - Est vero ita, sed ego ignotas regiones non exploro. Ejus modi hominibus omnino egeo. Atqui non geographi est urbes, amnes, montes, maria minora vel majora solitudinesque lustrando percensere. Geographi amplitudo major est quam ut otiosus ambulet. Nunquam e testudine sua discedit, sed homines qui novas regiones exploraverunt in eam admittit et interrogat et scribit quae sibi accidisse narrant. Si quis autem ea narrat quae geographus sua interesse existimet, de moribius ejus cognosci jubet.
REG. - Quare istud?
GEO. - Quia si quis mentiatur, libris qui de geographia sunt cladem paret. Similiter si quis perpotet.
REG. - Quare istud?
GEO. - Quia ebriosis res duplices videntur esse. Geographus igitur duos montes esse scribat ubi unus sit.
REG. - Novi aliquem qui ad explorandum minime aptus sit.
GEO. - Fortasse ita est. Ergo, ubi mores illius boni videntur esse, de eis quae repperit cognoscitur.
REG. - Visuntur?
GEO. - Minime. Via enim ista nimis flexuosa est. Sed ab eo qui regiones exploravit documenta exiguntur. Velut, si mons altus repertus esse nuntiatur, ei imperatur ut magnos lapides inde reportet.Concitatus repente geographus est:
GEO. - At tu e locis remotis venis! Ignota exploras! Jam mihi stellam tuam describe. Atque geographus tabulas aperuit et cerulam praeacuit. Nam cerula primum ea scribuntur quae narrant qui explorant. Tum demum atramento scribuntur cum documentis confirmata sunt. Geographus igitur sciscitatus est:
GEO. - Quid tu?
REG. - Ne domi meae non multa animadversione digna sunt: omnia perparva sunt. Mihi sunt tres ejus modi montes quorum duo etiam nunc ardeant, unus exstinctus sit. Tamen utique cavendum est.
GEO. - Utique cavendum est.
REG. - Mihi etiam flos est.
GEO. - Flores in tabulas referre non solemus.
REG. - Quidni? Sunt formosissimae rerum.
GEO. - Quia flores evanidi sunt.
REG. - Evanidus quid significat?
GEO. - De geographia libri librorum omnium pretiosissimi sunt. Nunquam enim obsolescunt. Perraro mons de loco movetur. Perraro mare magnum exhausta aqua exarescit. Aeterna scribimus. Interpellavit eum regulus:
REG. - At fit ut exstincti montes rursus exardescant. Evanidus vero quid significat?
GEO. - Utrum exstinctus sit ardor eorum an excitatus, nihil nostra interest. Nosmet montis tantum rationem habemus. Qui non mutatur. Regulus autem, qui, dum vixerat, nunquam omiserat quod semel quaesierat, denuo:
REG. - At evanidus quid significat? inquit.
GEO. - Hoc significat, interitum alicui instare.
REG. - Flori meo interitus instat?
GEO. - Profecto ita est. Tum regulus secum:
REG. - Evanidus flos meus est et tantum quattuor spinas ad se contra universa defendendum habet! Ego autem eum solum domi meae reliqui! Hic primum eum paenitere coepit. Tamen animo rursus erecto quaesivit:
REG. - Quae me hortaris ut visam? Cui geographus respondit:
GEO. - Terram stellam. Nam bene audit. Abiit regulus secum de flore suo cogitans.

dl.	dt.	dc.	dj.	dv.	ds.	dg.
« nov				mar »
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Fabrika d'Illes

~ Visions del món

Monthly Archives: gener 2011

Un noi autista dibuixant de memòria la ciutat de Roma

Follow “Fabrika d'Illes”